135 бұйрық

ҚАЗАҚСТАН
РЕСПУБЛИКАСЫ
БІЛІМ ЖӘНЕ ҒЫЛЫМ
МИНИСТРЛІГІ
МИНИСТЕРСТВО
ОБРАЗОВАНИЯ И НАУКИ
РЕСПУБЛИКИКАЗАХСТАН
БҰЙРЫҚ ПРИКАЗ
№ ____________________ от «___» ___________ 202__ года
Нұр-Сұлтан қаласы город Нур-Султан
08.04.2020-ғы № 135 шығыс хаты
COVID-19 коронавирустық инфекция кезеңінде
қашықтықтан білім беру технологияларына
оқу процесін көшіру кезінде
білім беру сапасын қамтамасыз ету жөніндегі
қосымша шаралар туралы
Дүниежүзілік денсаулық сақтау ұйымы жариялаған COVID-19
коронавирустық инфекция пандемиясы (бұдан әрі – пандемия) кезеңінде
қашықтықтан білім технологияларына оқу процесін көшіру кезінде білім беру
сапасын қамтамасыз ету мақсатында, Қазақстан Республикасы Бас
мемлекеттік санитарлық дәрігерінің 2020 жылғы 12 наурыздағы №20
қаулысының негізінде, Қазақстан Республикасы Президентінің жанындағы
төтенше жағдай режимін қамтамасыз ету жөніндегі мемлекеттік комиссияның
2020 жылғы 16 наурыздағы № 1 және 2020 жылғы 17 наурыздағы № 2
хаттамаларын орындау үшін БҰЙЫРАМЫН:
Қазақстан Республикасы Білім және ғылым министрлігінің Білім және
ғылым саласында сапаны қамтамасыз ету комитеті және оның аумақтық
департаменттері пандемия кезеңінде:
1) рұқсат және (немесе) рұқсатқа қосымша берілгенге дейін жүргізілетін
өтініш берушінің біліктілік немесе рұқсат беру талаптарына сәйкестігіне
рұқсаттық бақылау жүргізуді тоқтатсын;
2) білім басқармаларынан және білім беру ұйымдарынан қашықтықтан
оқытуды ұйымдастыру жөніндегі есептілікті не ақпаратты талап етуге тыйым
салсын;
3) заңнамада көзделмеген есептілік пен ақпаратты талап ету бөлігінде
«Педагог мәртебесі туралы» Заңның талаптарын бұзатын, сондай-ақ
педагогтердің өзге де құқықтары мен заңды мүдделерін бұзатын білім беруді
басқару органдарының, білім беру ұйымдарының басшыларына қатысты
заңнамада көзделген барлық шараларды қолдансын.
2. Облыстардың, Нұр-Сұлтан, Алматы, Шымкент қалаларының білім
басқармалары (келісім бойынша), аудандардың, облыстық маңызы бар
қалалардың білім бөлімдері (келісім бойынша):
2
08.04.2020 ЭҚАБЖ МО (7.23.0 нұсқасы)
1) білім беру ұйымдарынан, педагогтерден қашықтықтан оқытуды
ұйымдастыру мәселелері бойынша есептілікті не ақпаратты талап етуге тыйым
салсын;
2) білім беру ұйымдарына бара отырып, түрлі тексеру (мониторингтік)
іс-шараларын өткізуді тоқтатсын;
3) педагогтерден есеп пен ақпаратты талап етудің заңсыз практикасын
тоқтату үшін білім беру ұйымдарының басшыларымен түсіндіру және өзге де
жұмыстар жүргізсін;
4) қашықтықтан білім беру технологиялары негізінде оқу процесіне
ауыртпалықсыз және тиімді көшу мақсатында білім беру ұйымдарына
барынша көмек көрсету және педагогтердің құқықтары мен заңды мүдделерін
қорғауды қамтамасыз етсін;
5) қашықтықтан білім беру технологияларына оқу процесіне көшіру
кезінде пайда болған проблемаларға дереу ден қойсын, қажеттілігіне қарай
Білім және ғылым министрлігі немесе жергілікті атқарушы органдар алдында
олардың деңгейінде шұғыл шешуді талап ететін мәселелерге бастамашылық
жасасын.
3. Қоса беріліп отырған Қашықтықтан оқытуды ұйымдастыру бойынша
әдістемелік ұсынымдар бекітілсін.
4. Осы бұйрықтың орындалуын бақылау Қазақстан Республикасының
Білім және ғылым вице-министрі Ш.Т. Кариноваға жүктелсін.
5. Осы бұйрық қол қойылған күнінен бастап күшіне енеді.
Министр А. Аймағамбетов